“قمراية ❤️.. من فكرة إبرة، لأول بيت مصري بيجمع فناني التطريز”

البداية.. خيط وحلم

الحكاية مابدأتش ببيزنس، الحكاية بدأت بإيماننا إن كل فنان وفنانة تعبهم يستاهل يتقدّر. الهدوء اللي بتعيشوا فيه مع صوت الخيط وهو طالع من القماش، كان لازم يبدأ من توفر خامات مريحة، عشان تقدروا تبدعوا بكل راحة وبال صافي. ومع كل مرة اتسألنا فيها: “ليه عشان أجيب طارة نظيفة، أو خيط ألوانه ثابتة، أو إبرة مابتقطمش.. لازم ألف السبع لفات؟”،

كان لازم تكون الاجابة اننا نعمل بيت يجمعنا ويجمع كل حاجة نساعدكم على الابداع؟… ومن هنا كانت “قمرايه”.

.

ليه “قمراية”؟

لأن الشغل اليدوي هو اللي بيدي للقطعة “نورها”، ولأن كل فنان وفنانة بيبدعوا بإيديهم هما بالنسبة لنا مصدر الفرحة والفخر. قررنا ننقل الهواية من مجرد “تسلية” لـ “احتراف”، وعشان الاحتراف يكمل، كان لازم نوفر “العِدّة” اللي تفتح النفس.. و”قمراية” قدرت تعمل ده.

من “الخيط” لـ “الويب سايت”

المشوار ماكانش مفروش بالحرير، بالعكس، كان محتاج “سرفلة” وصبر طويل. فضلنا ندور، وننقي، ونختبر كل فتلة وكل إبرة بنفسنا، لحد ما قدرنا نجمع لك أجود أدوات التطريز في مكان واحد. والنهاردة، بنفخر إننا أول ويب سايت مصري متخصص بالكامل في أدوات التطريز المميزة. مش بس بنبيع أدوات، إحنا بنبني مجتمع لكل واحدة عايزة تسيب بصمتها على القماش بـ “نضافة” وشياكة.

.

“إحنا مش بس موقع أدوات، إحنا رفيقك في كل غرزة.. عشان حكايتك تستاهل تطلع للنور ❤️ “